KUTOKA MITANDAONI HADI MITAANI HOFU YA MMOMONYOKO WA MAADILI (USHOGA) YATANDA.

Timothy Lugembe,

Mwanakwetublog.

Vitendo vinavyojulikana kama ushoga hurejelewa na baadhi ya watu kama mahusiano ya kimapenzi kati ya watu wa jinsia moja, pamoja na mienendo inayotafsiriwa kuwa kinyume na maadili na tamaduni za Afrika.

Katika muktadha wa Tanzania, mjadala huu umeendelea kwa muda mrefu kutokana na misingi ya kisheria, tamaduni, na mafundisho ya dini yanayosisitiza kulinda maadili ya jamii.

Tanzania imeweka wazi msimamo wake kutokana kauli za viongozi wa serikali pamoja na taasisi za dini, zikilenga kulinda maadili ya taifa na ustawi wa jamii Msingi wa msimamo huu unatokana na kulinda malezi ya watoto, mshikamano wa familia, na heshima ya mila na desturi za Kitanzania.

CHANGAMOTO YA MITANDAO YA KIJAMII

Pamoja na msimamo huo, kasi ya matumizi ya mitandao ya kijamii imeleta changamoto mpya  ambapo Maudhui mbalimbali yanayosambazwa mtandaoni ikiwemo mienendo inayochukuliwa kuwa kinyume na maadili yanawafikia watoto na vijana kwa urahisi , hili linaibua hofu ya athari za muda mrefu katika malezi na mwelekeo wa kizazi kijacho iwapo hakutakua na udhibiti na elimu ya kutosha.

NAFASI YA SERIKALI NA VYOMBO VYA USIMAMIZI

Serikali ina wajibu wa kuimarisha utekelezaji wa sheria zilizopo, sambamba na kuweka mikakati ya kudhibiti maudhui hatarishi mtandaoni, Vyombo vya usimamizi wa maudhui vinapaswa kuendelea kutekeleza majukumu yao kwa usawa, kwa kufuatilia, kuonya na kuchukua hatua dhidi ya maudhui yanayokiuka maadili na kuhatarisha ustawi wa watoto na taifa kwa ujumla.

TAASISI ZA DINI

Taasisi za dini zina nafasi muhimu katika kutoa mwongozo wa maadili, kuelimisha waumini kuhusu misingi ya familia na malezi bora, pamoja na kuhimiza mazungumzo yenye busara na heshima yenye kukemea uovu unaosambazwa mitandaoni , Mafundisho ya dini yanaweza kuwa nguzo ya kuimarisha maadili bila kuchochea chuki au migawanyiko.

WAJIBU WA FAMILIA NA DINI

Malezi huanzia nyumbani Wazazi na walezi wanahimizwa kuzungumza na watoto wao kuhusu maadili, matumizi salama ya mitandao, na athari za maudhui yasiyofaa, Jamii kwa ujumla inaweza kuchangia kwa kukemea maudhui yanayoonekana kuhatarisha malezi, na kwa kuunda maudhui mbadala yanayokuza maadili mema, heshima na utu.

Kulinda maadili ya Kitanzania kunahitaji ushirikiano wa wadau wote serikali, taasisi za dini, vyombo vya habari , vyombo vya usimamizi, familia na jamii, Kupitia elimu, utekelezaji wa sheria, na uwajibikaji wa kijamii hasa katika mazingira ya kidijitali, inawezekana kupunguza usambazaji wa maudhui yanayokinzana na maadili na kuhakikisha watoto wanalelewa katika mazingira salama na yenye mwelekeo chanya.

0767915473,

lugembetimothy01@gmail.com.