VINONO ALIVYOTUANDALIA

Adeladius Makwega-MUSOMA TANZANIA

“Leo ni Jumapili ya kwanza ya Majilio, mwanzo wa mwaka mpya wa kiliturujia. Mwaka huu, ambao unafuata mzunguko wa mwaka A wa Kanisa.

Wapendwa tutasoma hasa kutoka Injili ya Mtakatifu Mathayo. Leo tunasikia kutoka sura ya 24 ya injili yake ambamo Yesu anafananisha kuja kwa Mwana wa Adamu na siku za Nuhu. Kwa hiyo, kesheni, anawaambia wanafunzi wake, kwa maana saa msiyodhani Mwana wa Adamu atakuja. Hili linabeba mada kuu ya Majilio. Tunajua kwamba Bwana atakuja, lakini hatujui hasa ni lini. Swali la msingi ni: Je, tunautazamia ujio wake kwa shauku?

Ni wale tu walio na hamu na matarajio ndiyo watakaosubiri na kujitayarisha. Je, macho yetu yameelekezwa kwa Bwana? Au tumemezwa na masumbuko ya ulimwengu huu—kula, kunywa, kuoana—kama watu wa nyakati za Nuhu? Je, tunapuuza dalili za nyakati kama walivyofanya walipoona Nuhu akijenga safina?Katika kipindi hiki cha Majilio, tujifunze kuwa na jicho la uangalifu. Yesu anakuja kama Mwokozi wetu. Usiruhusu wakati wa neema upite bila kutambuliwa.”

Haya ni maelezo ya mwanzoni ya mahubiri ya Kadinali Luis Antonie Tagle–Mkuu wa Propaganda Fide ya Kanisa Katoliki Ulimwenguni inayojihusisha na Uinjlishaji wa watu juu ya Jumapili ya kwanza ya Majilio kwa Novemba 30, 2025.

Mwanakwetu anatafakari gani juu ya dominika hii?

“Nilikuwa na rafiki yangu mmoja yeye ni daktari wa binadamu, anasimamia ugonjwa wa Kifua Kikuu, mara nyingi nikiwa katika hali mbaya kifedha huwa nampigia simu, ‘daktari naomba kiasi nitarejesha baada ya muda fulani.’ Kweli ndugu huyu huwa ananipa na mie mambo yakiwa mazuri narudisha.Siku moja kuna jirani yangu mmoja Kijijini Chamwino Ikulu Wamegombana mke na mumaha(mkubwa) huyuw wakapigana na mkewe, mkewe akaumia jicho, ule mgogoro ukatatuliwa ndani familia haraka haraka kisha maagizo ya familia yalikuwa huyu mama atibiwe haraka. Yule (muwaha)mwanamme hana kitu, yule baba saa 12 ya asubuhi moja akapiga hodi kwa Mwanakwetu, akasimulia kilichotoke huku akiambatana na jirani yangu mwingine ninyemuheshimu mno., wakaeleza shida yao ni milioni mbili wanauza eneo lao hata ikipatikana milioni moja tu na milioni nyingine baadaye hakuna neno.

Mwanakwetu fukara sina pesa-nawajibu nini? Mwanakwetu nikawaambie jamani leo jumapili naenda Kanisa la Bikiira Maria Imakulata Parokia ya Chamwino kusali misa ya kwanza ya saa 12.30 asubuhi niacheni muda, kuna nitaongea naye natambua atanunua hili eneo. Jioni nitakuja kwenu. Mwanakwetu akaenda kanisa kusali dominika, wakati anarudi akampigia simu yule daktari juu ya eneo linalouzwa milioni mbili. Daktari akakubali kulinunua kwa bei ya milioni moja unusu tu , Muda huo huo nikawaunganisha na yule mzee, pesa ikalipwa. Mwanakwetu kwa niaba mnunuzi.

Wakati zoezi hili linafanyika hawa jamaa wanasema kwa Kigogo–Huyu baba hapendi makuu ananua yeye huku akisema ananua mwingine. Wakasainiana kwa mjumbe, Mwanakwetu akaoneshwa mipaka, akapiga picha ya hati mauziano akapiga picha mipaka na kumtumiwa daktari wa binadamu aliyenunua. Hapa daktari akashukuru sana pia hii familia ikashukuru kisha, mama yule aliumia akaenda kutibiwa siku iliyofuata, baadaye yule mama kupona jicho lake. Huyu mama dakatri yupo umbali wa KM 700 na alipokuwepo Mwanakwetu .

Yule mama akakaa nadhani mwaka mzima baadaye akapiga simu Mwanakwetu hujambo mdogo wangu, Mwanakwetu akajibu sijambo SHIKAMOO. kesho nakuja hapo ulipo lakini sintofika kwako, nakwenda kumuona binti yangu anasoma Chuo Kikuu maana maisha ya Chuo Magumu nimletea pesa,chakula na nije kujua hali yake unajua binti zetu haipendezi kutuma pesa tu unaweza kutuma pesa kumbe mwezako hata kusoma hasomi kumbe kaolewa, mimi kama mzazi ni muhimu kutambua hilo. Kweli daktari huyu akasafiri akafika kumuona binti Chuo Kikuu siku ya kwanza hola, siku ya pili hola, uliza chuoni hola, anakipiga simu inaita lakini haipokelewi, mara anapokea mvulana mama huyu akaa hoteli juma nzima akaonana na mwadili wa kozi aliyokuwa anasoma bintiye na kisha kumpigia simu Mwanakwetu juu ya kilichotokea. Akasema huyu binti ameniuza sana, sijuhi yupo wapi na simu zangu hapokei yana hana hata shauku ya kumuona mama yake?

Hata kama shauku na mimi hana basi shauku ya nilivyobebea na yote ninayomtendea kila siku.Mama yule akabeba mizigo yote ya mwanawe na kumpelekea Mwanakwetu mchele KG 50 samaki wakubwa wakavu maji baridi na debe moja la maharage, mafuta dumu la lita tano.Vyote hivyo alipewa Mwanakwetu ambaye hakupaswa kupewa wala hakuwaziwa fikiliwa kupewa awali, daktari aliangalia eneo lake na kuwaona waliomuizia akachukua nyaraka zake nakurudi alipotoka.”

Mwanakwetu hakununua chakula mwaka mzima.Binti alikuja kumpigia simu mama yake baada ya mwezi, huku kesha kosa vyote ikiwamo Imani kutoka kwa mzazi wake. Jamanieeee tuna wajibu wa kuwa shauku na mgeni ajaye na nayeye siyo mwingine bali Bwana Yesu ili tusije kuvikosa vinono alivyotuandalia na vinono ni vya milele.

Mwanakwetu Upo?

Wakati haya ni ndani ya Kanisa, hali ya hewa ya Mji wa Musoma alipo mtayarishaji wa makala haya nyuzi joto 26 sentigredi, ujirani na mvua ni kwa asilimia 53 unyevunyevu asilimia 10 na upepo ukivuma kwa KM 18 kwa saa. Shughuli kubwa inayopamba barazani mwa nyumba nyingi hasa nyumba za watu kipato cha chini ni uanikaji wa dagaa wa bichi huku hali ya hewa ikiruhusu hili.