Adeladius Makwega-Musoma MARA
Ni majira ya jioni ya Novemba 28, 2025, Mwanakwetu anakutana na kundi la vijana wadogo watatu, mara wanamsalimu Shikamoo !
Mwanakwetu anajibu Marahaba!
Kwa chonjo wakiwa na baba yao.
“Hawa ni vijana wangu; huyu mdogo ni Philibert William, anayefuatwa na Partrick William na huyu binti anaitwa Patricia William. Hapa tunatoka kwenye mahafali ya chekechea ya ndugu yao Philbert.”
Baba mzazi wa watoto hawa watatu anamwambia Mwanakwetu;
Leo nimeamua waje hapa kwetu, kuona mazingira ya kazi nilipo baba yao.”
Mwanakwetu akamuuliza mhitimu wa chekechea keki ipo wapi? Nayeye ndugu Philbert akajibu keki imetangulia nyumbani, Mwanakwetu umero wa keki ukamjia maana ni muda mrefu hajala keki.
Mwanakwetu alioomba kuwapiga picha vijana hawa ili kupoza umero wa keki aliyoikosa na kweli walipigwa picha kadhaa vijana hawa ambapo baba wa watoto hawa anayefahamika kama Samson Wiliam anafanya kazi Ofisi ya Mkuu wa Mkoa wa Mara Kitengo cha Usimamizi, Ufuatiliaji na Ukaguzi.
Mwanakwetu alipomuliza tena swali linguine ndugu Philbert amehitumu shule gani ?Mhitimu huyu alijibu kuwa Inaitwa Shule ya chekechea ya Mtakatifu Augustine.
Mwanakwetu alivutiwa mno na ndugu William na familia yake kwa kuwaonesha watoto wake pahala anapofanya kazi, maana watoto wengi hawafahamu wazazi wao wanafanya kazi wapi.
Mwanakwetu anasema nini siku ya leo?
Swali ni je wazazi wezangu watoto wetu wanajua tunapofanya kazi? Na kwa watoto swali ni je mnajua wazazi wenu wanafanya kazi wapi?
Nahakika wewe kama mzazi jibu unalo na wewe kama mtoto jibu unalo.
Msomaji wangu kumbuka Philbertm Patrick na Patricia wanakujua vizuri baba yao anapofanya kazi Ofisi ya Mkuu wa Mkoa wa Mara.
Kwa pamoja wamenijibu;
“Tunapajua Baba Anapofanya Kazi.”
Nakutakia Siku Njema.
0717649257
Post a Comment