Adeladius Makwega-MUSOMA MARA
“… tumepokea jokofu moja jipya na runinga mpya kabisa ikiwa na king’amuzi chake na sasa hapa ofisini wakati tunasubiri kuondoka na magari tunapata wasaa wa kutazama taarifa mbalimbali za kitaifa na kimataifa, kujua ulimwengu unavyokwenda. Zamani tulikuwa tunakaaa pamoja lakini kila mmoja alikuwa na simu yake lakini sasa vifaa hivi vinatuweka pamoja.”
Haya ni maelezo ya Maafisa Usafirishaji wa Ofisi ya Mkuu wa Mkoa wa Mara Novemba 28, 2025 wakimshukuru Katibu Tawala Mkoa wa Mara, Mwalimu Gerald Musabila Kusaya kwa kuwaboreshea mazingira ya kazi, tangu kwenye magari yao na hata pahala ilipo ofisi yao.Akizungumza ofisini kwao mara baada ya vifaa hivyo kuwekwa ofisini humu kiongozi wa madereva hawa Nimrod Lameck Kimaro amesema kuwa vifaa hivyo vimewasili ofisini kwao siku moja baada ya Katibu Tawala Mkoa wa Mara kutembelea ofisi hii Novemba 27, 2025.
“Tunamshukuru tutaendelea kufanya kazi kwa moyo wote, katika kuhakikisha shughuli zote za serikali zinafikia malengo yake.”
Kwa upande wake Ibrahimu Ramadhani ambaye ndiyo kwanza ameajiliwa na Ofisi ya Mkuu wa Mkoa wa Mara alisema,
“Mie ni mgeni serikalini, tangu Novemba 27, 2025 nilivutiwa na Katibu Tawala kufika katika ofisi yenu, huku mara nyingi amekuwa akifanya vikao nasi katika hili na lile. Masaafu na Mtume! Jambo hili limenitia moyo kufanya kazi zaidi katika Utumishi wa Umma.”
Kwa upande wa Afisa Usaftishaji Nassoro Abdallah Mshamu alisema;
“Kwa Tathmini yake thamani ya runinga hii ni karibu shilingi milioni mbili za Kitanzania huku thamani ya jokofu ni shilingi karibu milioni moja unusu.”
Mara baada ya vifaa hivyo kupachikwa katika ofisi hii ya madereva hawa baadhi ya Wakuu wa idara na Vitengo wa Ofisi ya Mkuu wa Mkoa wa Mara Mwanakwetu aliwaona wakitembea ofisi hii na miongoni mwao ni Bi Neema Ibamba kutoka Maendeleo ya Jamii alitembelea na kulifungua jokofu hili kisha kuwatania madereva hawa;
“Jamani eee nimeviona vitu hivi lakini friji lenu liwe na vinywaji tukija kuvikute na tunywe…”
Madereva hawa walicheka kisha Bi Ibamba kuondoka zake.
Wakati haya yakiendelea katika Mji wa Musoma hali ya hewa ni nyuzi joto 27 sentigredi, jua likiwaka vizuri nao ujirani na mvua ni kwa asilimia 53, unyevunyevu ni wa asilimia 5 huku upepo ukivuma kwa KM 16 kwa saa.
0717649257
0717649257
Post a Comment